Edebiyatın önemli şairlerinden bahar konulu şiirler

Divan şairlerinden bahara atfedilen mısralar:

Bahâr eyyâmıdur servün yine sevdâsı depreşmiş
'Aceb mi pâyine bend itseler zencîr-i enhârı
Râmî

----

Ko çogalsun ruhun üstinde perîşân zülfün
Çün kim eyyâm-ı bahâr olıcak artar sevdâ
Necâtî Beg

---

Muanber sünbülünden almadan bû olmadum rüsvâ
Bu rüsvâlık bana senden degül bâd-ı sabâdandur
Fuzûlî

Yürit mey zevrakın sâkî yine fasl-ı bahâr oldı
Yem-i ahzer gibi sahn-ı çemen pür-rûzgâr oldı

Hevâ-yı 'ışk ile itdi temevvüc bahr-ı eşvâkum
Dil-i şûride cûlâr gibi daşdı bî-kârâr oldı
Râmî

Hep bu fasl içre imiş mes'ele-i 'ışk u cünûn
Gûş kıl nüsha-i gülden okusun anı hezâr
Nev'î

---

Nevbahâr-ı hat-ı rûyun idüp ilkâ-yı cünûn
'Âşıkı eyledi âşüfte-i sevdâ-yı cünûn
Kâtib-zâde Sâkıb

---

Nihâlin agzı köpürdü şükûfe zannetme
Cihânı eyledi dîvâne cûybâr-ı bahâr

Esürdi cûş-ı mahabbetle ehl-i sevdâ hep
Dimâga bûy-ı cünûn verdi rûzgâr-ı bahâr
Şeyh Gâlib

Nev-bâhâr oldı yine geldi cünûn eyyâmı
Takdı zencîrlerin bâd-ı bahâr enhârun
Bâkî

---

Görse yüzün Behiştî geçer kendüden hemân
'Âşık cünûna düşmese olmaz bahârda
Behiştî

---

Ancak seni mi eyledi dîvâne ol perî
'Âlem bahâr-ı hüsninün ey dil delüsidür
Zâtî

Müjde ey dârü'ş-şifâ dîvâneyüz nevrûzdur
 şinâ-yı 'akldan bîgâneyüz nevrûzdur
Fehîm

---

" Ey tımarhane! Müjde, divâneyiz, aklın bildiğinden uzaklaşmışız, çünkü nevruz gelmiştir."
'Arz-ı dîdâr eylesen kûyun tolar 'uşşâk ile Kim olur hengâme-i dârü'ş-şifâ nevrûzda
Cinânî